Todo-todo ang
pasasalamat ng aktor at TV host na si Cesar Montano sa mga sumusuporta ng programa niya na The
Singing Bee sa ABS-CBN.
"Totoo po na ang
laking hirap ko sa show. Ang hirap mag-host, lalo na ako, wala akong kabatuhan.
Mag-isa lang akong nagsasalita. Siguro dahil na rin sa pagmamahal ko at yung
musicality, hilig ko rin ang musika," bungad ni Cesar sa panayam sa kanya ng The
Buzz last Sunday, August 3.
Ang The Singing Bee ang
nangungunang programa ng ABS-CBN sa kasalukuyan kaya may balita na bumubuo na diumano
ang GMA-7 ng programang tulad kay Cesar.
"Hindi ako
makapaniwala. Akala ko, binibiro lang nila ako. Paano ako magna-number one, e,
ang dami pang sinasabi sa akin na bakit ganito, maraming kumukuwestyon, bakit
ako, ganun," saad ni Cesar.
Nagsalita rin si
Cesar sa tunay na estado ng relasyon nila ng asawa niyang Sunshine Cruz ngayon.
"Okay naman," sabi
niya. "Maayos na yun at nag-celebrate ako ng birthday ko [last August 1] sa The Singing Bee.
Masaya ako because nung kaarawan ko, nagpuntahan lahat sa Singing Bee si Sharon
[Cuneta], nandun ang mga anak ko... Nakakatuwa, kumpletong-kumpleto.
"Maayos naman kami
[ni Sunshine]. Ang nangyari lang sa amin ay pangkaraniwang nangyayari sa mga
mag-asawa. Kaya ang ano ko, ang pag-aasawa ay it's not a bed of roses. Doon
malalaman kung anong klaseng sundalo ka sa pakikipaglaban sa buhay."
Paano sila
nagkasundo ni Sunshine?
"Proseso ‘yan, e.
Dahan-dahan. Talagang nangingibabaw pa rin ang pagmamahalan."
Nagbigay rin ng
pahayag si Cesar sa naging away nina Sunshine at ng kapatid niyang si Ched na nauwi
pa sa demandahan.
"Ano lang yun, siyempre
nandiyan ang sugat. Pero walang sugat na hindi naghihilom. Ako yung... ganun
talaga, nagkakaron ng problema ang dalawang tao. Process na lang. Proseso na
lang."
Nadamay rin sa isyu
nina Sunshine at Ched ang panganay na anak ni Cesar na si Angela.
"Okey naman po sila.
Okey na okey sila. Wala silang
problema," maikling sabi ni Cesar.
Marami rin ang natuwa
sa paglabas ni Sunshine sa The Singing Bee sa birthday celebration ni Cesar.
Nagpadala ng text message ang aktres sa The Buzz at ito ang nilalaman:
"I was invited to greet him. I'm supposed to be
a surprise contestant but unfortunately, I've been sick for two weeks and
nawalan ako ng boses. I just greeted him na lang. Hindi ko mapapalampas ang
pagkakataon na ito na batiin siya dahil isang beses lang sa isang taon mag-birthday ang asawa ko. I just need to
greet him. So far, ako naman ang natutuwa. Really hoping for the best."
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.