Naisulat na diumano'y nagmaldita at nambastos ang ina ni Sarah Geronimo na si
Mommy Divine sa isang young designer na gumawa ng damit ng singer-actress para
sa kapapalabas pa lang na Dolphy special ng ABS-CBN na The King of Comedy:
Dolphy at 80 ng ABS-CBN, kung saan ay guest si Sarah.
Ayon sa kuwento, isang baguhang young designer daw ang naka-assign para gumawa
at magdisenyo ng gown na gagamitin ni Sarah sa Dolphy special. At dahil baguhan
ay excited ito at talaga namang kinarir ang paggawa ng gown ni Sarah.
Ang kuwento pa, hindi nga daw ito natulog para lang maging maganda ang
kalalabasan ng susuoting gown ni Sarah na aprubado naman daw kay Sarah at sa
mommy nito.
Nung dumating na ang araw ng event at actual show ng Dolphy
special ay pinasuot ng naturang young designer ang kanyang ginawang gown kay
Sarah. Laking-gulat daw nito nang diumano'y biglang ipahubad ng ina ni Sarah
ang gown at walang kaabug-abog na itinapon ito ng walang sali-salita. Naglabas
daw ito ng sariling dalang gown na siyang pinasuot kay Sarah. Kahit nga daw si
Sarah ay nagulat diumano sa ginawa ng kanyang ina. Pero wala daw itong magawa
kung hindi sundin ito.
Ang tsismis pa, kahit maliit na pasasalamat o eksplenasyon daw ay walang
narinig ang young designer mula sa ina ni Sarah na bigla na lang umalis bitbit
si Sarah na suut-suot ang gown na dala nila.
Dahil sa diumano'y nangyari, hindi na daw napigilang
mapaiyak sa kahihiyan ang young designer. Feeling diumano nito'y nabastos nang
araw na iyon ng ina ni Sarah. Usap-usapan pang nanlumo daw ito dahil nasayang
lang ang ginugol nitong oras sa paggawa ng gown na isusuot ni Sarah.
Yun ang bersyon ng mga pangyayari ng lumabas na istorya
tungkol sa ina ni Sarah.
MOMMY DIVINE EXPLAINS. Kaya't sinadya ng PEP (Philippine Entertainment
Portal) si Mommy Divine nung Sunday, August 10, sa dressing room ng ASAP 08, kung saan ay isa si Sarah sa regular
performer at host dito, para magbigay naman ng kanyang side at sariling bersyon
ng mga pangyayari.
Sabi ni Mommy Divine, "Hindi ko binastos yung designer. Hindi ko itinapon
yung gown. Ang nangyari kasi, yung dala niyang gown ay hindi fit kay Sarah.
Kaya yung dalang gown na lang ng Viva ang pinasuot ko sa
kanya.
"Hindi ko na yun pina-repair kasi wala nang oras. Araw na mismo kasi ng
show yun. At saka si Sarah na lang ang kulang sa performers na nasa stage na.
Siya na lang ang hinihintay ng mga kasamahan niya.
"'Di ba dapat ‘pag magsusuot ka ng gown o magpapatahi ka ng damit, dapat
ay may fitting? Yung gown ni Sarah na ipapagamit sana nung designer ay hindi
niya naman nasukat. Basta na lang yun ibinigay sa kanya nung designer."
Hindi raw kilala ni Mommy Divine at ni Sarah ang nasabing designer.
"Doon na lang namin siya nakilala sa taping ng Dolphy special. Binigyan
niya nga kasi ng gown si Sarah.
"Gusto ko sanang magpasamalat sa kanya. Kaya lang pagbalik
ko ng dressing room, after ng production number ni Sarah ay wala na siya."
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
( 0 B )