Perfect daw ang
timing ni Sam Milby sa pagpasok sa buhay ni Anne Curtis. Ito ang dahilan kung
bakit parang mas may magandang development na namamagitan ngayon kina Anne at
Sam, kung ikukumpara sa naging kaugnayan nina Anne at Luis Manzano, na very
close pa rin naman until now.
Magkakasama pa naman
ang tatlo sa Dyosa, ang bagong fantaserye ng ABS-CBN, na gumagawa na ng ingay
dahil nakatakda nang mag-premiere ito sa August 11. Sa presscon ng Dyosa kahapon, August 4, Manila Ocean Park Manila,
nagkaroon ng pagkakataon ang PEP (Philippine Entertainment Portal) para
usisain si Anne tungkol sa anggulong ito.
"Kay Manzano
kasi, during that time, parang ang dami kong gustong gawin. I wasn't ready for anything. Kaya masasabi kong ngayon, okey ang pasok ni
Sam, kasi parang mas ready ako. Although sabi
ko nga, wala pang officiality ang relasyon namin ni Sam. It's getting there
though," paglalarawan ng young actress sa situwasyon nila ni Sam.
Hindi raw nila
kailangang magmadali. Ang importante raw ay masaya sila ngayon.
Hindi pa ba nakikita
ni Anne kay Sam yung qualities ng magiging boyfriend niya kaya hanggang ngayon
ay hindi pa niya ito sinasagot, kung totoo ngang hindi pa sila?
"No!"
mabilis na tugon ni Anne. "Nasa kanya ang qualities, kaya lang, there's no
need to rush. Kung mangyayari lang kasi, ang gusto ko, si Sam na talaga ang
maging boyfriend ko. I'm already 23, kaya walang magiging problema."
Dati na raw na sila
ni Sam, pero nag-split sila. Binalikan daw siya ni Sam at nagsimula itong
manligaw uli noong December of last year. May kaugnayan kaya ang dahilan ng
nabanggit na split-up na yun kaya may takot kay Anne na sagutin ang matinee
idol?
"Hindi naman
masakit, as in nagka-trauma ako? Of course not!" natatawang sabi ni Anne.
"Nagka-convictions lang kasi ako during that time. I went through a
personal crisis, na kaya kami nag-split, siya [Sam] ang magiging distractions doon.
"Kaya nga,
dumating uli siya sa akin at that time na parang settled na uli ang lahat, at
maayos na tumatakbo ang buhay ko. Right timing na lang siguro, hindi porke
pareho na kaming Christians. Hindi uso sa akin ang pagpapakipot. Sabi ko nga,
ang mahalaga ngayon, pareho kaming okay at masaya, and there's no need to
rush," pagdidiin muli ng young actress.
Sinabi rin ni Anne
na raw siyang ibang hinahanap pa kay Sam.
"It's just
right timing, and we just have to wait," aniya. "Matagal ko na ring
kakilala si Sam, at yung more than a half year na panunuyo uli niya sa akin,
may magandang nagiging resulta yun. Two years na kaming magkaibigan, at kilala
ko na rin siya. Wala na siyang dapat pang patunayan."
ON BEING "DYOSA." Ano naman ang
reaksiyon ni Anne sa isyu na parang lakas lang daw ng loob ang pinanghahawakan
ni Anne sa pagiging "dyosa," samantalang sa surveys, sinasabing mas sexy sa
maraming kalalakihan ang mga gaya nina Marian Rivera at Katrina Halili?
"Ay, hindi ko
na kailangang mag-comment pa sa ganyan!" pag-iwas ni Anne. "Kasi may
kanya-kanyang tingin ang mga tao kung sino ang mas sexy. Para sa akin, hindi
naman importante 'yan, na parang nakikipag-compete pa ako para lang sa title na
Dyosa, di ba?
"It's just a character which I'm
portraying, at ako naman ang bida sa fantaserye, which happens to have a title
na Dyosa. Indeed, I'm enjoying the feeling, that people are considering me a
goddess and they call me Dyosa. Ganoon na lang, and I don't want to be affected
by the opinion of other people," tahasang sabi ni Anne.
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.