Nakunan ng pahayag ng Entertainment Live! kahapon, Sabado, July 19, ang magkaparehang KC Concepcion
at Richard Gutierrez sa airport bago lumipad patungong Greece para sa shooting
ng first movie nila together, For The
First Time ng Star Cinema.
Marami ang nakakita sa kanilang pagiging sweet nang magkasabay at magkasama
silang dumating sa airport. Nang kapanayamin, nagpahayag sila excitement dahil pareho raw nilang unang trip ito na magkasama pa sa isang
napakaromantikong lugar tulad ng Greece.
"For the first time maggi-Greece kaming magkasama," ani KC.
"Ten days ang shoot depende kung gusto
naming mawala ni KC," tila pangiliting sabi ni Richard.
"Kinakabahan ako for the whole...yung buong proseso in general dahil malayo kami
sa Pilipinas, malayo kami sa inyo. Pero yun nga, magkakasama kami,"
sabi naman ni KC.
Sa Greece daw isu-shoot ang kanilang first kissing scene. Handa na ba
sila para dito?
"Well, uhm, one scene at a time. So, pagdating namin doon tingnan natin
kung anong mangyayari. Pero ako naman handa naman ako. Sana handa siya," sabi
ni Richard.
"We trust naman Direk Joyce [Bernal], so, yung mga scenes, for sure na
eksakto lang yung gagawin ni Direk para doon sa eksena namin," sagot naman
ni KC.
Sundot naman ni Richard, "And of course, yung place, really romantic. So, it's
gonna be a very romantic scene."
Ano na ba ang real score na namamagitan sa kanila ngayon?
Unang sumagot si KC, "Uhm, we're friends. We're working partners and we're
getting to know each other."
Ani Richard naman, "Well, ngayon kasi KC and I we live for the moment, you
know. We absorb each experiences day by day and we're just starting to enjoy each other's company. Ganun muna. Ah, one step at a time and we're gonna be
working, we're gonna be exploring, we're gonna be having fun. So, yun muna for
now.
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.